Video e shkurtër ilustruese
Shpjegimi hap pas hapi
Te seksioni “Magazina”, zëri tjetër që shfaqet është “Shto përshtatje stoku”. Pasi e klikon, përdoruesit i shfaqet lista e plotë e të gjitha përshtatjeve që janë bërë më përpara me detaje, si p.sh.: data, arsyeja dhe dyqani ku është bërë përshtatja.
Këtu mundësohet edhe filtrimi i kësaj liste, proces i cili kryhet në bazë të arsyeve që mund të jenë: kur shtohet hyrje e re, kur bëhet numërim inventari, kur ka stok të humbur ose kur ka dëmtim të tij.
Gjithashtu, mund të shihet edhe lista e përshtatjeve për secilin dyqan.
Nëse përdoruesi dëshiron, mund ta eksportojë edhe në Excel listën e përshtatjeve dhe ta ruajë në kompjuterin e tij.
Lart (majtas) ndodhet butoni “Shto përshtatje stoku”, i cili i jep mundësinë përdoruesit të shtojë një përshtatje të re. Nëse e klikon, do t’i shfaqet kjo dritare:
Këtu përdoruesi plotëson fushat përkatëse, ku vetëm “Shënime të tjera” është opsionale. Të parat që plotësohen janë “Arsyeja” dhe “Dyqani”. Në bazë të arsyes, ndryshohet automatikisht fusha “Artikujt”.
- Hyrje
Tani përzgjidhet një ose disa artikuj që do të përshtaten si stok.
Pasi bën përzgjedhjen, përdoruesi vendos sa stok do të shtojë dhe mund të shikojë edhe sasinë e artikullit pas këtij veprimi.
Nëse nuk ka diçka tjetër për të ndryshuar, klikon butonin “Përshtat” për ta ruajtur këtë përshtatje të re.
- Një tjetër arsye mund të jetë “Numërim inventari”. Edhe këtu përzgjidhet dyqani dhe
artikulli.
Më pas, përdoruesi vendos sa është stoku i numëruar. Në këtë mënyrë, stoku i pritshëm
përshtatet
me atë të numëruar.
Në fund klikohet butoni “Përshtat”, për të ruajtur ndryshimin e bërë.
- Humbje
- Dëmtim Në të njëjtën mënyrë plotësohen edhe dy arsyet e tjera, ku pasi përzgjidhet dyqani dhe artikulli, përzgjidhet edhe sasia që do të hiqet nga stoku për atë produkt.
